新學年開始，小朋友係咪好期待，又好開心呢？每間學校都有圖書館，而好多爸爸媽媽都希望子女建立閱讀習慣，究竟有何方法幫小朋友培養閱讀興趣呢？
其實方法好簡單 - 就係玩！玩！玩！
孩子學習方式就係玩，爸媽將閱讀視為遊戲，樂趣無限，孩子就會愛上書本！
閱讀就係玩，不過，如何製造快樂嘅閱讀環境呢？
📍 [自己讀得好開心]
爸媽本身要讀得津津有味，先可以吸引小朋友的注意力。就算讀唔到幾頁，孩子走去玩，只要你堅持好有興趣咁讀完一本，慢慢佢就會知道閱讀嘅趣味。
雖然爸爸同媽媽嘅閱讀風格可能唔同，都應該盡量輪流和孩子一齊共讀，孩子才可以吸收不同的閱讀風格和內容。
📍［選好書架，展示書籍］
製造豐富的語文環境(literacy rich environment)，讓孩子看見展示出來的書籍，慢慢耳濡目染去培養小朋友閱讀興趣。所以一個適合孩子身高、視線的書架或書籍展示櫃，讓小朋友可以自主去選擇圖書是十分重要的！
📍［固定閱讀時間，地點］
雖然閱讀可以在任何時間地點進行，但固定時間地點可以更有效培養孩子的閱讀習慣。在固定的時間做固定的事可以提升安全感。
📍［連結真實物件感受］
如果和孩子讀《小雞去超市》，但你從來沒有帶孩子去過超市，咁佢又點會有興趣呢？不妨以實物、手偶或物件做連結，讓孩子明白書本和日常生活是息息相關。
又例如讀《從頭動到腳》，爸媽不妨和孩子一齊做動作。互動、遊戲，一起發揮你的想像力，將讀書變得更有趣、更好玩啦！
Comments